ភ្នំពេញ ៖ ក្រសួងសុខាភិបាលកម្ពុជា បានចេញប្រកាសព័ត៌មានជាផ្លូវការនៅថ្ងៃទី២៩ ខែមេសា ឆ្នាំ២០២១នេះពីករណីស្លាប់ជនជាតិខ្មែរ ចំនួន ០៣នាក់ ក្នុងនោះមានស្រ្តីអាយុ ២៣ឆ្នាំ ស្តីអាយុ ៤៦ឆ្នាំ និង បុរសអាយុ ៦៤ឆ្នាំ ដោយសារជំងឺកូវីដ-១៩ ។

ការសន្និដ្ឋានរបស់ក្រុមគ្រូពេទ្យ៖ ស្ត្រីជនជាតិខ្មែរអាយុ ២៣ឆ្នាំ ខាងលើនេះ បានស្លាប់បាត់បង់ជីវិតដោយសារជំងឺ កូវីដ-១៩ មុនពេលចូលមកដល់មន្ទីរពេទ្យ (Mourant entrant avec COVID-19)។ ស្ត្រីជនជាតិខ្មែរ អាយុ ៤៦ឆ្នាំ ខាងលើនេះ បានស្លាប់បាត់បង់ជីវិតដោយសារវិបត្តិ ផ្លូវដង្ហើមស្រួចស្រាវធ្ងន់ធ្ងរ និងរលាកសួតទាំងសងខាង ដោយសារវីរុសកូដ-១៩។ បុរសជនជាតិខ្មែរ អាយុ ៦៤ឆ្នាំ ខាងលើនេះ បានស្លាប់បាត់បង់ជីវិតដោយសារវិបត្តិ ផ្លូវដង្ហើមស្រួចស្រាវធ្ងន់ធ្ងរនិងរលាកសួតទាំងសងខាង ដោយសារវីរុសកូវីដ-១៩ លើអ្នកមានជំងឺលើសសម្ពាធឈាម និងជំងឺ ទឹកនោមផ្អែមប្រចាំកាយ។

ក្រសួងសុខាភិបាលនិងក្រុមការងារE-Arts  សូមចូលរួមចំណែកសោកស្ដាយជាពន់ពេក និងសូមចូលរួមមរណទុក្ខយ៉ាងក្រៀមក្រំជាទីបំផុត ៕